Rusiya, yaxud Çin ilə mümkün toqquşmada ABŞ Hərbi Hava Qüvvələri (HHQ) ciddi problemlər yaşayacaq.
Bu barədə yazar Devid Eksin “Forbes” üçün qələmə aldığı məqalədə deyilir.
O bildirib ki, onillər ərzində qiyamçıların böyük və rahat bazalardan bombardmanları ABŞ HHQ-ni eyni gücdə rəqiblərinə qarşı açıq konfliktdə hazırlıqsız vəziyyətə salacaq qədər zəiflətdi.
“Əgər Rusiya, yaxud Çin hərəkətə keçsə, raketlər uçsa, o zaman amerikan qüvvələri onlara adekvat reaksiya vermək üçün uyğun baza tapa bilməyəcəklər. Amerikan pilotlarının ağır vəziyyətə düşməsinə səbəb onların Yaxın Şərqdə aşağı intensivlikdə döyüşmələri olub. Amerikalılar çevik reaksiya verməyə hazır deyillər”,- deyə D.Eks bildirib.