Şərq Qərb tibb mərkəzinin şöhrəti, onun nüfuzu ilk növbədə burada çalışan həkimlərin və bütün digər tibbi və texniki personalın yüksək peşəkarlığı, onların fədakar əməyi sayəsində təmin olunub. Mərkəzin belə peşəkar mütəxəssislərindən biri də həkim-terapevt Nemət Məmmədovdur.  Nemət həkimin yüksək peşəkarlığı və elmi-təcrübi hazırlığı onun bu çətin işin öhdəsindən ləyaqətlə gəlməsini təmin edir. Təsadüfi deyil ki, Nemət Məmmədovun uğurla müalicə etdiyi xəstələrin əksəriyyəti öz sağlamlıqlarına qovuşduqdan sonra da bu mahir həkimin onların həyatında oynadığı rolu artıq heç zaman unutmur, onu hər zaman böyük minnətdarlıq hissi ilə xatırlayırlar. Ümumiyyətlə demək lazımdır ki, Şərq qərb tibb mərkəzinində  müalicə almış vətəndaşların böyük əksəriyyəti bu şöbədə çalışan bütün personalın və xüsusilə də Nemət Məmmədovun qabaqcıl iş üsullarından, onun hər bir xəstəyə fərdi yaxınlaşma metodunu məharətlə tətbiq etməsindən və ən əsası da yüksək peşəkarlığından ağız dolusu danışırlar. Belə pasiyentlərdən sadəcə birinin dediklərini sizə də təqdim edirik.
Sevil İbrahimova: “Vəziyyətim həqiqətən ağır idi. Sağ olsunlar Nemət həkim də, şöbənin bütün digər əməkdaşları da. Kim nə deyir, desin – Azərbaycanda əsil peşəkar həkimlər də var, böyük ürəkli insanlar da... ”
Biz də redaksiya heyəti adımızdan Nemət həkimə səhiyyə sahəsində təqdirəlayiq xidmətlərinə görə təşəkkürümüzü bildiririk.